dalawang magkasunod na gabi ng reunion.. kagabi ay muling nagkasama-sama kami ng mga malalapit kong kaibigan sa san lucas.. isang ex-diakono at isang diakono at pangulo ng pnk.. naging maganda naman ang talakayan, bagama't medyo nakasentro sa akin ang usapan.. gaya ng inaasahan, nagkapalitan muli ng kaalaman na may kaugnayan sa teknolohiya at mga pagdedesisyon sa career at iba pang mga bagay-bagay... naging makabuluhan naman sa kabuuan ang naging talakayan, at busog din ang tyan, salamat sa aking kaibigang diakono na sya ko ring naging takbuhan mula ng ako'y magkaproblema sa hanapbuhay.. kanina naman ay pagkakatipon ng mga PLM-CBI, alumni at mga kasalukuyang nag-aaral.. ayaw ko sanang dumalo sa nasabing pagkakatipon, dangan nga lamang at nahihiya ako sa aking ka-alumni na masigasig sa pagbuo ng samahan.. gaya ng inaasahan, ako lang ang nag-iisang senior na dumating.. at di tulad ng nakaraang pagkakatipon, maraming mga kasalukuyan pa lamang kasapi sa CBI ang dumalo (15 sila).. nakakatawang nakakainis na nakikibalita pa rin ang nag-iisang diakono sa aming grupo.. salamat at natapos naman ng masaya at matiwasay ang pagkakatipon..